Bandish Overview
Bandish Text
English / Roman
viharati haririha sarasavasante
ntRtyati yuvatijanena samaM sakhi virahijanasya durante |
lalitalavaMga lataaparisheelana komala malaya sameere
madhukara nikara karambita kokila koojita kuMjakuTeere ||
unmada madana manoratha pathikavadhoojana janita vilaape
alikulasaMkula kusuma samooha niraakula bakula kalaape ||
mtRgamada saurabha rabhasa vashaMvada navadala maala tamaale
yuvajana htRdaya vidaaraNa manasija nakharuchi kiMshuka jaale ||
madana maheepati kanaka daMDaruchi keshara kusuma vikaase
milita shileemukha paaTali paTala ktRta smaratooNa vilaase ||
vigalita lajjita jagat avalokana tarooNa karooNa ktRta haase
virahi niktRntana kuntamukha aaktRti ketaki dMturita aashe ||
maadhavikaa parimala lalite navamaalati jaati sugaMdhau
munimanasaamapi mohanakaariNi taruNaakaaraNabaMdhau ||
sphuradatimukta lataa parirambhaNa mukulita pulakita choote
vtRMdaavana vipine parisara parigata yamunaa jala poote ||
shreejayadevabhaNitamidamudayatu haricharaNasmtRtisaaram
sarasavasaMta samayavanavarNam anugata madana vikaaram ||
Devnagri
विहरति हरिरिह सरसवसन्ते
नृत्यति युवतिजनेन समं सखि विरहिजनस्य दुरन्ते ।
ललितलवंग लतापरिशीलन कोमल मलय समीरे
मधुकर निकर करम्बित कोकिल कूजित कुंजकुटीरे ॥
उन्मद मदन मनोरथ पथिकवधूजन जनित विलापे
अलिकुलसंकुल कुसुम समूह निराकुल बकुल कलापे ॥
मृगमद सौरभ रभस वशंवद नवदल माल तमाले
युवजन हृदय विदारण मनसिज नखरुचि किंशुक जाले ॥
मदन महीपति कनक दंडरुचि केशर कुसुम विकासे
मिलित शिलीमुख पाटलि पटल कृत स्मरतूण विलासे ॥
विगलित लज्जित जगत् अवलोकन तरूण करूण कृत हासे
विरहि निकृन्तन कुन्तमुख आकृति केतकि दंतुरित आशे ॥
माधविका परिमल ललिते नवमालति जाति सुगंधौ
मुनिमनसामपि मोहनकारिणि तरुणाकारणबंधौ ॥
स्फुरदतिमुक्त लता परिरम्भण मुकुलित पुलकित चूते
वृंदावन विपिने परिसर परिगत यमुना जल पूते ॥
श्रीजयदेवभणितमिदमुदयतु हरिचरणस्मृतिसारम्
सरसवसंत समयवनवर्णम् अनुगत मदन विकारम् ॥
Meaning
No meaning has been added yet. Use the ⋯ menu next to the title to add one.